Tum Arzoo k diye jala k ....

Tum arzoo k diye jala k ALLAH se achi umeed rakhna

Khizaan k mousam ki rukhsati pe, Bahar-e-Gul ki umeed rakhna

Wo tera Rab hay, Wo tera apna, Usi ko apna Habib rakhna

Usi se karna tu dil ki batain, Tu ankh mein ik nami si rakhna

Wo tera Rab hay, Wo tera Aqa, Usi se raz-o-niaz rakhna

Usi se ghum ki kahani kehna, Ghamon ka dil me dihan Na rakhna

Raheem hay Wo Kareem hay, tu Rab ko apne aziz rakhna

Hay sans se bhi qareeb tar Wo, Usi ko apne qareeb rakhna