Naseehat roz bikti hai...

Naseehat roz bikti hai, Aqeedat roz bikti hai
Tumhare shehar mein logo Mohabbat roz bikti hai

Ameer-e-Shehar ke dar ka abhi mohtaaj hai mazhab
Abhi mulla ke fatwon mein Shriyat roz bikti hai

Hamare khoon ko bhi wo kisi din baich dale ga
Kharidaron ke jhurmat mein Adalat roz bikti hai

Najane lutf kiya milta hai un ko roz bikne mein
Tawaif ki tarha logo QAYADAT roz bikti hai

Kabhi masjid ke mimber per kabhi hujray mein chup chup ker
Mere waaiz ke lahjay mein Qayamat roz bikti hai

Bari lachaar hain Saqi Jabinein in gareebon ki
Ke majboori ki mandi mein Ibadat roz bikti hai...