Kuch yaden hain un lamhon ki
Jin lamhon mein hum sath rahe
Khushiyon se bhare jazbat rahe
Ek umer guzari hay hum ne
Jahan ruthe huey bhi hanste the
Kuch kehte the kuch sunte the
Hum roz subha jab milte the
To sab ke chere khilte the
Pur-lutf wo manzar hota tha
Sab mil ker batain karte the
Hum soch ke kitna hanste the
Wo gonj humare hansne ki
Ab ek purani yaad bani
Yeh baten hain un lamhon ki
Jin lamhon mein hum sath rahe
"I MISS & LOVE YOU MY FRIENDS"
No comments:
Post a Comment